मर्द असाही असतो

turkish wedding dance

तो डान्स करतो तेव्हा निव्वळ मोहक दिसतो

बाथरूम मध्ये मोठ मोठ्याने गातो तेव्हा सेक्सी वाटतो

तो सैपाक करत असतो

तेव्हा सुंदर दिसतो

भाजी चिरताना लाजवाब दिसतो

तो मुलाला आंघोळ घालत असतो तेव्हा निर्मळ दिसतो

मुलीच्या केसांना रिबिनी बांधून देताना प्रेमळ दिसतो

तो घर आवरताना जबाबदार असतो

दुरुस्तीची कामे चटकन करताना जादूगार वाटतो

तो खेळताना कमाल असतो

आणि रडताना निष्पाप दिसतो

त्याचं घरात असणंही आश्वासक असतं

तो बाहेर असला की घर वाट पहात असतं

पुरुष आक्रमक होऊन

तलवार हातात घेऊन

फक्त लढताना मर्द असतो ही भ्रामक कल्पना आहे...

नि तो फक्त पैसे कमवणारा

भारवाही हमाल असतो ही बिचाऱ्यावर

लादलेली संकल्पना आहे.... त्याच्यावर मर्दपणा लादला नाही,

तर तो खरंच मर्द असतो........

- अलका गांधी-असेरकरwedding dance

Like

Comment